Чиглэл ХХК

Манай компани нь анх 1990 онд гэр ахуйн цахилгаан хэрэгсэл, нийтийн хоолны тоног төхөөрөмжийн засвар, угсралтын чиглэлээр ажиллагаагаа явуулахаар Чиглэл ББХХоршоо нэртэйгээр үүсгэн байгуулагдсан.

1996 оноос Чиглэл ХХК нэртэйгээр өргөжин тэлж дэлгүүр, цайны газар, ресторан, бар, эмнэлэг, цэцэрлэг, сургууль, амралт сувилал зэрэг газруудын гал зуухны тоног төхөөрөмжийн засвар үйлчилгээ угсралт худалдаа нийлүүлэлтийн чиглэлээр үйл ажиллагаагаа явуулж байна.

2005 онд БНХАУ-аас тоног төхөөрөмж үйлдвэрлэх машин техник, багаж оруулж ирснээр байгууллагуудын захиалгаар 1,2,4 ширэмтэй духовктай духовкгүй цахилгаан зуухнууд, хоол халуун байлгагч, олон төрлийн газын зуухнууд, гурил хайрагч, хэвийн боов чанах тогоо, тос шүүгч, цэвэр ус нөөцлөх сав, буузны цахилгаан жигнүүр, сүү боловсруулах цехийн жижиг оврын төхөөрөмж, төрөл бүрийн хэмжээтэй нержин тавцантай бэлтгэлийн ширээнүүд, тавиур, тавцан зэрэг 20 гаруй нэр төрлийн тоног төхөөрөмж үйлдвэрлэхийн зэрэгцээ сүү хөөрүүлэх, ариутгах, хөргөх, тараг бүрэх, шөлтэй хоол хийх, цай чанах, мах чанах, аарц буцалгах, жимс жимсгэнэ чанах, бууз жигнэх зэрэг 10 гаруй үйлдэлтэй цахилгаан тогоог 60, 80, 100 литрийн багтаамжтайгаар, цахилгаан бага зарцуулахаар зохион бүтээж Монгол улсын брэнд бүтээгдэхүүн болгохоор дотооддоо үйлдвэрлэн, импортыг орлох, гадагш гарах мөнгөний урсгалыг бууруулах, ажлын байр нэмэгдүүлэх, жижиг дунд үйлдвэрийг дэмжих, үндэсний үйлдвэрийн бүтээгдхүүнийг нэмэгдүүлэх Засгийн Газрын бодлогыг хэрэгжүүлэх зорилт тавин мэргэжлийн инженер техникийн чадварлаг баг амжилттай ажиллаж байна.

Манай компани ОХУ, БНХАУ-аас хүнс нийтийн хоол, бар рестораны зориулалтын тоног төхөөрөмжийг импортлон өөрийн 5 салбар дэлгүүрүүдээр баталгаат хугацаатай худалдан борлуулж, засвар үйлчилгээг чанартай хийж, сэлбэг хэрэгслээр хангаж, угсарч суурилуулахын зэрэгцээ хуучин тоног төхөөрөмж сэргээн засварлах, ашиглагдсан тоног төхөөрөмжийг худалдаалах дагнасан дэлгүүр ажиллуулж байна.

Манай компани нь мэргэжлийн үйл ажиллагааг олон жил, тасралтгүй, тогтвортой явуулж ирсэн, олонд танигдсан, хүнс нийтийн хоолны салбартаа тэргүүлэгч хамт олон болсон бөгөөд МҮХАҮ-ын танхимын гишүүн, Баялаг бүтээгчдийг дэмжих холбооны гишүүн байгууллага юм.

Доорхи линкууд дээр дарж нэвтрүүлэг үзнэ үү

javascript:nicTemp();