Чиглэл ХХК

Мэндчилгээ

Монгол улсын орчин үеийн нийтийн хоол, хүнсний зориулалтын тоног төхөөрөмж, багаж хэрэгслэлийн үйлдвэрлэл, худалдаа, засвар үйлчилгээний хөгжлийг тодорхойлогч салбартаа тэргүүлэгч, шинийг санаачлагч, баялаг бүтээгч “Чиглэл” ХХК-нд тавтай морилно уу.

Бидэнд итгэл хүлээлгэж байнга хамтран ажилладаг захиалагч, худалдан авагч, хэрэглэгч та бүхэндээ гүн талархал илэрхийлье.

Нийтийн хоол, хүнсний зориулалтын тоног төхөөрөмжийн үйлдвэрлэл, худалдаа, засвар үйлчилгээний чиглэлээр ажилласан ажил үйлс, амжилт бүтээлээрээ мөнхөрч “Чиглэл”, “Таны Дэлгүүр”-ээр овоглосон бид бүхний хийж гүйцэтгэсэн мөнхийн бүтээлийн түүхийн хуудас эргэсээр 25 жилийг ардаа орхижээ.

Бид өдөр тутмын үйл ажиллагаандаа хэрэглэгч харилцагч нараа дээдлэн чанартай бүтээгдхүүн, соёлтой үйлчилгээгээр хангаж бизнесийн ёс зүйг эрхэмлэн энэ салбартаа байнга тэргүүлэгч байх, шинэ технологи нэвтрүүлэн шинийг санаачлагч баялаг бүтээгч, эх орныхоо хөгжил цэцэглэлтэнд тодорхой хувь нэмэр оруулах зорилт тавин ажиллаж байна.

Техник технологи хурдтай хөгжиж байгаа энэ үед хүнс, нийтийн хоолны салбарын ажилтан ажиллагсад, жижиг дунд үйлдвэрлэл эрхлэгчид, бизнес эрхлэгч, хэрэглэгчдээ орчин үеийн тоног төхөөрөмж багаж хэрэгслээр тасралтгүй ханган, зарим бүтээгдхүүнийг үйлдвэрлэж ирсэндээ сэтгэл хангалуун байна.

Импортыг орлох 20 гаруй нэр төрлийн бүтээгдхүүн эх орондоо үйлдвэрлэн гадагшаа гарах мөнгөний урсгалыг багасгах, ажлын байр нэмэгдүүлэх, жижиг дунд үйлдвэрлэлийг хөгжүүлэх, төр засгийн бодлогыг хэрэгжүүлэх, үндэсний үйлдвэрлэлийн бүтээгдхүүнийг нэмэгдүүлэх, өөрийн брэнд бүтээгдхүүнтэй болох зэрэг олон талын ач холбогдолтой зорилт тавин ажилласан нь “Чиглэл” компанийн хамт олны их бүтээн байгуулалт, амжилт нь та бидний хамтын бүтээл, сайхан сэтгэлт хамт олны эв нэгдэл, харилцан итгэлцэл, түншлэлийн үнэ цэнэ, хөдөлмөрийн бүтээмж, мэргэжлийн ур чадвартай салшгүй холбоотой билээ. Компанийн хамт олон 25 жилийн ойдоо “ Намуун Заяа” нэртэй олон үйлдэлт цахилгаан тогоо зохион бүтээж, шинэ бүтээлийн гэрчилгээ авсан нь Чиглэлийнхэн өөрийн гэсэн брэнд бүтээгдхүүнтэй болох суурь тавигдаж үнэхээр манлайлал бүхний эхлэл болж хөгжил өөд хөтөлсөн бахархууштай хөдөлмөрийн амжилт байлаа.

Хөгжил дэвшилд хамтдаа тэмүүлэн яваа найз нөхөд,нийт харилцагч, хэрэглэгч, хамтран зүтгэгч та бүхэндээ энэ хорвоогийн хамгийн сайн сайхан бүхнийг хүсэж, хамтдаа бүтээцгээж, хамтдаа хөгжицгөөхийн өлзийтэй ерөөлийг өргөн дэвшүүлж байна.

Сайн үйлс дэлгэрэх болтугай !

Та бүхнийг хүндэтгэсэн

ЕРӨНХИЙ ЗАХИРАЛ Ц.БУМЦЭНД